Общоє засіданя русинськых обществ у Мукачові.

У суботу 13.02.2016 Мукачовські русины принималы русинов Сваляви, Перечина, Севлюша, Иршави, Воловця. На дьовому шорі были вопросы: 1. Подписаніє договора меджи Крайовым Обществом Подкарпатськых Русинов и обласным обществом імени А. Духновича, 2. Утвердженіє Пололоженя о премії імени І.Петровція, 3. Обращеніє до голови и членов Світовой Рады Русинов, 4. Разноє. По 2-ому вопросу было пару дополненій и поправок. Подавати кандидатуру може не лем сам поэт, но и русинські організації, фізичні особы (які и будуть гарантом кандидата). Лауреат премії буде на другий рік членом журі. Єдиногласно русины утвердили Положеня з поправками. По 3- ому пунктови дньового шору быв зачитаный проэкт Обращенія, у якому говориться про судьбу Проголошіня 13-го СКР у Румунії ( мало быти напроавлено до влады України и Єропарламента), про ситуацію з журналом «Голос Русина», о премії І.Петровція. Проэкт быв принятый без поправок. У разному была обговорена и розяснена ситуація коло Дома Русинов у Мукачові. Ушиткі русинські активісти и гості засіданя поддержали решеніє об общом хосновані Дома Русинов, котроє приняла Мукачівська варошська рада на посліднів сесії.