ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

Докус не честовані паны Білей и Гаврош!

    19 марта 2024 вторник
    Аватар пользователя М.БОБИНЕЦЬ
    Докус не честовані паны Білей и Гаврош! Мушу одреаговати на послідні ваші напады против Русинув (окремого од украйинцюв , корінного народа Подкарпатя). Порозумів им, ош читаво застрягли сьте у часах комуністичного режима СССР, бо чините всьо по принципах усатого Йовшки – «запретіть или уничтожить». Добре знаєте, ош у Європі и Америці русинськый народ признаный и там нитко не посміє заявляти, обы запрітити Русинув. Мало того, декларувучи путь Украйины у Європську унію, Президент П.Порошенко не захоче из-за якихось пару «горе-патріотів» портити отношенія из Западом. Штодо патріотизма, то выступавучи проти Русинув на Подкарпатьови, вы выступаєте проти многовікової дружбы ушиткых народув, што жили и живуть у нашому благодатному крайови. Дале, українці не были корінным народом за Карпатами и кебы не Чехословацькый, дуже демократичный період (1919-1939рр. - созданиє «Просвіты»), а пузніше - не «русский мір» 1944-1991рр. ( такый ненавистный украйинцям), нитко бы не писав ся на Подкарпатьови до націоналности «украйинець». Хочете называти ся украйинцями – на здоровля, айбо не треба «просвіщати» русинув, называти їх «гілкою українського народа, старою назвою українців». Вы туй у гостях, се добре знаєте и бавите ся такыма нефайныма словами. Кедь вы йсе не приймете, то дуже скоро лишите ся на мусорникови исторії. Многонаціоналноє Подкарпатя найде гуманный путь збавити ся од тих, тко не хоче у мирі и супокойови жити туй. За єдинствену русинську передачу «Русинська родина» подойме ся цілый русинськый світ. Європська унія и Америка не будуть нейтрално позерати, як датко хоче розпалити огень войны у центрі старого світа. Слава Русинам, отцям и сынам! Член Світової Рады Русинув М.Бобинець