ЧитаютКомментируютВся лента
Это читают
Это комментируют

ГОРЖУ СЯ ТЫМ, ОШ Я - РУСИН, И ЖИВУ НА ПUДКАРПАТСЬКUВ РУСИ, лем ГАНЬБЛЮ СЯ, ОШ ЖИВУ НА УКРАЙИНЇ

    17 августа 2018 пятница
    Аватар пользователя kongress

    Выступлениє

    русинського писатиля Ивана ПЕТРОВЦІЯ

    на єденадцятому світовому конгресї русинuв

    у Будапештї 17 юпія 2011 года

    Русинського джина упустили из склянкы. И упят го туды вже нитко и нияк ни зажене, ани украйинські урядовцї, ани канацькый американтош – заокеанськый антирусин Магочі, ”дякувучи” котрому я вже бuлше дисяти годuв ни годен быв потрафити ани на єден людный русинськый форум. Айбо, хвала Господу Богу, русины прозрівавуть, и я щасливый, ош туй им, из вами, дорогі русины світа.

    За сисї бuлш ги дисять годuв, што я ни бывав на русинськых форумах, из житя пuшли мої файні цїмборы, великі русины Дюра Папгаргаї из Нового Сада, Міхал Сандовіч из Варшавы, Міхал Варга из Руського Керестура, Марія Малцьовска, Василь Турок из Пряшова – царство йим небесноє и памнять людська, русинська !..

    Радує ми ся душа, ош вижу многых мойых давных русинськых цїмборuв из разных держав туйкы – в Будапиштї – у головному варыши державы, котра навхтема ся добре ставила до русинuв –

    бuлше гикой изирь годuв русины были націоналнов меншинов у великuв Мадярщинї, и вшытко было в нас горазд – и в мадярuв, и русинuв !

    А типирькы я прийшов сюды из державы, де фактично ниє державы. Ниє державы тому, бо ниє тамкы законuв, а тото, што ся кличе в Украйинї законом, фактично є оружійом проты вшыткых там живучых народности – и проты самых украйинцьuв ! – лем каммай проты русинuв. Проты русинuв в Украйинї суть ососбо страшні законы – законы на изничтожениє русинuв.

    Айбо и в сьuв протылюдськuв ситуаційи є безстрашні люди, истинні патріоты, котры кладуть свої житя на жертовник служіню сятuв русинськuв идейи. Сисе суть Василь Джуган, Василь Микулин, Петро Гецко, Юрій Чорі, Володимир Біланин, Юрій Шипович, Віра Кобулей и многі другі. Они парувуть русинські ошколы, упущавуть ошколаські учебникы, издавуть прекрасну русинську литературу, чинять шилиякі русинські фестивалї…- и тото вшытко на свою кровну копійку. Тамкы упросити гроши ниє уд кого, бо приведу вам такый примір: старшый чилянник, ни мавучи гроши обы купити просту новинку из телепрограмов, пиля новинарського кіоска переписує програму телепередач, бо телевізор ся в нього щи,

    хвала Богу, впстав, и щи годен го поникати…

    И коли Магочі з Падяком предлагавуть аттакому бідакови купити йих черевату псевдонаучницьку енциклопедию за чотыриста гривньuв, сисе – за пядисят доларuв ! – стає страшно и менї, гражданинови Украйины, котрый дuстає вuсьuмсто гривинь – йсе сто доларuв ! - місячної пінзії. Я бых мав дати за тоту Магочійову паскудь иппен половину мої пінзії ! Айбо – ни дам ! Бо туй такый мушу вповісти, ош тото є не енциклопедия – тото Магочі вчинив надмогилну плиту на гріб ищи живых русинuв,

    и – памнятник собі любимому !

    Иппен сюды удношу и поправдї мерзку дїла истинного русина книгу Магочія ”Народ нізвідки”, удруковану на страшно дорогому грийдовому папірьови, у твердых дорогущых таблицях, из множеством дорогокоштувучых цвітных фоток и – из мінїмумом сигіняшного никудышного текста ! И на йсю дурняковату Магочійову книгу, и на вту никудышню Магочійову енциклопедию пuшли нивидано великі гроші – кыдьбы вто были личні гроші Магочія, та ищи бы най было, айбо тото суть гроші меженародної русинської дїаспоры !.. Лем иппен Магочі ся ни зопер на сьому – и дале пустує копійчину меженародної русинської дїаспоры: сися друкована Магочійова паскудь стовмачена-переведена на сїм, ци вже й на вuсьuм чужых языкuв – чув им, ош типирькы ся сися Магочійова паскудь товмачить-перекладать на пушту, комі, фарсї и монегаську бисїды – Магочі и тамкы хоче мати личну славу !

    Айбо сисю моменталну личну славу Магочі купує за дуже страшні гроші – за гроші меженародної русинської дїаспоры !..

    Тоты величезны гроші годны бы были пuти на служіня истинно русинськuв идейи – на тоты гроші мы бы были годны там у нас на Пuдкарпатськuв Руси мати свою каждоттыжньову новинку ! Мы точно пораховали, ош утраченых, уверженых напусто Магочійом гроши меженародної русинської дїаспоры лем на сисї дві пустопорожнї уданя нам бы устачило бы было на упущаня каждотыжньової чотыристорuнкової русинської новинкы май мало на вuсьuм-дивять рокuв ! Айбо жадный, хворотливо славолюбный Магочі тоты гроші уд нас - уд русинuв Пuдкарпатської Руси безсовісно украв – пустив на абсолютну пустоту – на самопрославленіє !!

    Иппен сисе годны сьме вповісти и за прошлі книжкы Магочія – ниякого хuсна русинам Пuдкарпатської Руси они ни давуть ! Тому у послїднї бuлше гикой дисять годuв у нас на Пuдкарпатськuв Руси Магочі ни має аниякого авторитета – нашuв чиляди сись страшно хворотливый егоїст Магочі просто мерзкый !

    Ищи мушу вам, дорогі русины світа, уповісти – як бы лем тото парадоксално ни звучало ! – иппен мы – русины Пuдкарпатсьої Руси – єсьме тым головным геополітичным материком, ради сохраниния котрого ся и компонує сися уже двадцятьдворuчна русинська музыка: вы вшыткы єсте лем нашыма діаспорныма острuвцями у разных державах світа. Бо – най Господь Бог уд такого заварує !!! – кить ниє нас, та й вы ни маєте ниякої логікы екзистовати гикой русины ! Иппен тому акцент нашої политичної, културницької, и – само собов ! – фінансової дїятилности має быти сконцентрованый на русинах Пuдкарпатської Руси ! Там – на нашuв из вами вuтцuзнинї – наша головна перспектива.

    Мы – русины Пuдкарпатської Руси – великі, истинні патріоты Пuдкарпаитської Руси ! – входиме, на нашу днишню велику серенчу, в состав Украйины – державы, котра щи ся й ни вродила, а вже здыхать. Иппен на труповищи Украйины мы постройиме свою прекрасну русинську державу Пuдкарпатську Русь. Тот, тко , як из притомных туйкы, так из иных русинuв світа, ни гадать и ни робить на сисю сяту русинську идею, тот ниє русином !!! Тот є иппен такым, гикой Магочі, гикой його служник и пудлизинь жидюк Падяк !

    Ищи туйкы мушу вповісти притомным у сьому залови русинам за очірідноє, дуже нидавноє паскудство, учиненоє жидюком Падяком за завданьом Магочія.

    Вначалї сього года члены світової рады русинuв пуд проводом истинного й великого русина Дюры Папугы были на Украйинї, де ся в них было заплановано й договорено за стрічі из кыйовськыма урядовыма зверхникома.

    Первый раз за вшытку историю у такuв бригадї ни было Магочія, и Магочі захотїв йим указати, ош они без нього нич ни годны.И указав - через свого прислужника жидюка Падяка, тай через украйинські спецслужбы: добрый мuй цїмбор - представитиль Ніны Карпачової – головы комісії по правах чилянника при Верховнuв Радї Украйины казав ми, ош онь чотыри разы пудходив до нього жидюк Падяк, и просив го, вбы тот уповів Карпачовuв, обы вна ни приняла русинськых представитильuв… Были соотвітствувучі просьбы до кыйовськых урядовых зверхникuв и уд закарпатськых спецслужб –

    а потому жидюк Падяк роздув по новинках світа, ош русинськых представитильuв ни приняли, бо меже нима ни было “головного русина світа” - канацького американтоша Магочія !... Прошу вас, дорогі русины світа - дайте аццьому оцїнку самі !

    Мушу щи туйкы, дорогі русины світа, уповісти вам, ош як за завданьом Магочія, тай на гроші канацького міліярдера Стівена Чепы йих прислужник и пудлизовач, жидюк Падяк рейдерськым способом удобрав уд русинuв Ужгорода йих русинську хыжу. Чесні русины сперва пару годuв ся судили за вту хыжу из жидюком Падяком, айбо кой порозуміли, ош украйинські спецслужбы суть на боцї Падяка, та лишили ся пустої, безперспективної боротьбы.За сисе ся вела дискусія и в интернетї, де я условив свою думку так -цитуву сам себе дословно.

    Хлопове !
    Ниякої проблемы туйкы ниє.
    Просто, бывшый голова ужгородського русинської хыжі печеный мадярчук Лойчі Філіп тайно ся договорив

    из иппен такым печеным жидюком Падяком,
    ош гроші, што йих дав на выкуп дома канацькый міліярдер Чепа через канацького американтоша Магочія жидюкови Падякови,
    жидюк Падяк и мадярчук Філіп поділять, а самі будуть помеже собов імітовати войну, обы замылити очи дурным русинам.
    И так оно и є: жидюк Падяк и мадярчук Філіп имітувуть помеже собов войну, а дурными ся тко впят упстає !??.. Мы - РУСИНЫ.
    Треба обох уттuть копкати в гузіці - и мадярчука Філіпа, и жидюка Падяка. Та й – дїлови кониць !..

    За бuлше гикой двадцять годuв свого шпекулованя на русинстві политичный шулер и фінансовый шпекулант Магочі найшов иппен такого гикой и сам злодійоватого жидюка Падяка – признав го издатильом.., а сись издатиль має в себе дома лем єден компютер, та й тот му го подаровали родакы – жиды из Тель-Авіва, и сись компютер ся называть и издателством,

    и научницькым центром, и чим лем ни хочете – ушытко

    по жидuськы, ушытко по магочійuськы !.. Иппен у сьому “издатилстві” и удмывать Магочі гроші,

    украдині ним уд меженародної русинської дїаспоры.

    На сам кониць хочу вам, дорогі русины світа, уповісти, ош докuть Магочі быв головным началником, мы – прості русины – ни могли й думати за хоть якусь защиту й помuч уд світового русинства.

    Тямите, кой у 1996 годї тогдашный прізідент Кучма запрітив мою книгу ”Наші спuванкы”, Магочі и ни прореаговав на тото…Тямите, кой у децембрі 2008 года мене исключили из соза писатильuв Украйины из формульованьом: ”за участь у русинстві, яке є антиукраїнським”, Магочі иппен аттак и нни прореаговав на тото…А кой у дватисячному годї моя жона заболїла на рак, треба было ми гроши на її лічіня, и я ся обратив - тямлю, вто было в Пряшові - до Магочія и Чепы, та вни ми вповіли, ош най ни трачу гроші напусто – жона ми й так умре.

    Мы – славяне ! - звыкли мати чисть, совість и поряднuсть, и бороти ся за своє, за рuдноє до кuнця !... Айно, моя жона была битіжна майже сім годuв и вмерла у юлію 2006-го…

    Айбо Господь Бог на небі є – через пару годuв у Магочія иппен аттак умерла його жона…Відїли бы вы, як Магочі “могучый” – так го называть наш єден графоман – як Магочі ревав по ужгородському телевізору на вшытку Подкарпатську Русь, ош яка тото страшна біда з ним ся стала, ош йому щи нигда ни было так тяжко й гuрко ! Гикой видите, Магочі є навхтема – Магочі:

    уд свої біды реве на здыхиль, а до чужых проблем – глухый !

    Дорогі русины світа ! Кить Магочі валовшен на научництво – най ся занимать, ай лем на свої гроші. И – ни пущати го ани в які русинські началникы. А за жидюка Падяка маєме забыти, гикой за кошмарный сон – шулерuв, шпекулантuв а злодійuв нам ни треба!!

    Лем из чесныма людьми побідиме, из истинныма патріотами – такыма, гикой Дюра Папуга, Василь Джуган, Василь Микулин, Петро Гецко, Юрій Шипович, Юрій Чорі, Володимир Біланин, Віра Кобулей и многі другі.

    Та й я хочу из нима быти !

    И – єм !!

    И - буду !!!

    Иван ПЕТРОВЦІЙ,

    русинськый писатиль из Пuдкарпатської Руси

    http://petrovtsiy.livejournal.com/11076.html

    Рейтинг: 
    Загрузка...