ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

IX Межинародный Бієнале Лемковськоі/Русинськоі културы.

    28 марта 2024 четверг
    Аватар пользователя М.БОБИНЕЦЬ
    27-28 мая у вароши Крениця (Польша) одбыв ся 9 Межинародный Бієнале Лемковськоі/Русинськоі културы. Організаторами дійства традиційно были Стоваришеня Лемкув Польшы, Світова Рада Русинув и варошськый уряд Крениці. Подкарпатя на сесь раз представляли фолк-рокаш «Фатьове» и Мирослава Копинець. Зачало ся дійство у пятницю зложеньом косиць пиля гроба, а потому – пиля памнятника Никифору Дровняку, лемковському маляру-примітивісту, на честь котрого и зачали Бієнале у бывшуй лемковськуй Креници. Одтворили фестиваль голова Стоваришеня лемкув Андрей Копча, знамый поет Петро Трохановськый и професор Олена Дуц-Файфер. Из музикалных рокашув первым выступив ансамбль «Ластівочка» из Польшы. Русинув Мадярщины представив ансамбль «Русинята» из Виноградова. Потому, за програмов, мала одбыти ся процедура врученя премиі за русинську културу им. Василя Турока-Гетеша, айбо, так як лауреатка награди Олга Прокоп из Подкарпатя не могла явити ся на Бієнале, то голова Світовоі Рады русинув Стефан Лявинець зобовязав ся лично передати награду юй у рукы на Подкарпатю. Тому торжественоє врученя на сцені не одбыло ся. Выступы Мирославы Копинець и фолк-рокаша «Фатьове» поразили позерачув величов, файнотов и талантом. Зал аплодовав подкарпатцям довго… Вечур одбыла ся выстава Пряшовського театра им. А.Духновича и стріча русинськых поетув. У суботу єден за другым выступили ансамблі Руськоі бурсы «Терочка» (Польша), «Червена Ружа» из Румуниі (акомпоновали румунськым співачкам подкарпатські «Фатьове»), а такой ансамблі Дружства «Руснак» из Горватиі и «Удольчанка» (Словакия). Заперали фестиваль подкарпатські «Фатьове» и Мирослава Копинець.DSC01991.JPGЮрій Шипович