ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

Из истории Подкарпатской Руси. Пару слов о Угольском монастырю

    29 марта 2024 пятница
    Аватар пользователя Нискореный русин
    В котловинѣ гор, межи селами Теребля, Дулово, Колодне и Углею, межи рѣками Теребля, Малою и Великою Уголькою, возвышаеся мала гора »Монастыр«. Мѣсто то дуже красне. 3 сеѣ горы силуєся прекрасный краєвид. На повночный-сход бѣлѣе полонина »Мончул«, на заход заледвы видно румунскѣ горы. Ззаду за цвинтаром торчит Копула каменноѣ угольскоѣ церкви, на повноч блестить чомалѣвска церков а поблизше чорнѣе колоднянска, старинна деревляна церков. На заходѣ розлилася рѣка Бухалка, як тут называють Теребельку, а под самою горою змійкою вєся поток, обмываючий гору.Сколько лѣт тому назад, на сѣй горѣ стояв храм з Монастырем, в котром умер послѣдный православным епископ, Мараморощины Доситей. До сего дня мож видѣти слѣды того монастыря. Ззаду креста бѣлѣють камѣня. Старики говорять, що стѣны монастыря только 30—40 лѣт тому назад продали для постройки приходского дома а часть оддали на постройку угольскоѣ церкви. Основаня Угольского монастыря правдѣподобнo односится до часу постройки взагалѣ всѣх наших монастырей, т. е. до 14. або началу 15. столѣтя. В документѣ 16 вѣка, опубликованом проф.А Петровом, говориться, що в 1558. роцѣ було в Угольском монастырѣ 330 монахов. Видно, що монастыр в той час уже був прославлений, бо чомусь то туды заходили послы царя Ивана Грозного вертаючись в Москву з Царгороду. Хотя монастыр мав много землѣ, бо в його руках були всѣ пасла Углѣ, Малоѣ Угольки и Великоѣ, як також и полонины на Мончелѣ. Однако монастырь не мав достатком хлѣба. Монахи занималися выкопуванем соли в мѣстах на Малой Угольцѣ и двома возами возили по городам вымѣнюючи на пшеницю и другѣ необходимѣ предметы. Головный монастырь находився в Угли. Монастырь той мав своѣ салашѣ и церкви на Малой и Великой Угольцѣ. При конци 17. столѣтя в сѣм монастыри жив православный епископ Иван Стойка, здається родом з Кричова. Послѣдным епископом Марамороша и взагалѣ православных Подкарпатской Руси був Доситей, наступника Стойки, котрый жив и умер в Угольскбм монастырю. За Маріѣ Терезіѣ зачалось переслѣдованя монастыря, як и взагалѣ всѣх и зачалися тяжкѣ часы и для Угольскою. Монахи принужденнѣ були залишити його, а часом не удержали анѣ сильнѣ муры. — Нынѣ вже лише назва горы »Монастырь« пригадує давню славу сеѣ околицѣ. Г. Павлишин. http://rusinmaromorosh.livejournal.com/