ЧитаютКомментируютВся лента
Это читают
Это комментируют

НЄПРАВДА И НЄТОЧНОСЦИ О ЗАШЕДАНЮ ШВЕТОВЕЙ РАДИ РУСИНОХ ОД АНОНИМНОГО АВТОРА

    17 августа 2018 пятница
    Аватар пользователя М.БОБИНЕЦЬ

    Реаґованє на информацию обявену под насловом "Свитова Рада Русинов угнала В. Падзка из свого засиданя" UA-Reporter.com 26. 11. 2010. (10,37)

    НЄПРАВДА И НЄТОЧНОСЦИ О ЗАШЕДАНЮ
    ШВЕТОВЕЙ РАДИ РУСИНОХ ОД АНОНИМНОГО АВТОРА

    Почитовани UA-Reporter.com

    Посилам Вам Реаґованє на информацию обявену под насловом "Свитова Рада Русинов угнала В. Падзка из свого засиданя" анонимного автора, хтору сце обзвели 26. 11. 2010. (10,37), чийо обзвйованє у такей форми яку сце похасновали вивилало вельочислени реакциї Русинох у шицких осем штреднєевропских жемох у хторих жию Русини, як и на Сиверно Америцким континенту (Зєдинєних Америцких Державох и Канади), та Вас модлїм же бисце, пре правдиве, точне и подполне информованє обявели шлїдуюци текст:

    МИКОЛА БОБИНЕЦ И ВАЛЕРИЙ ПАДЯК ПРИРИХТАЮ
    7. ЗАШЕДАНЄ ШВЕТОВЕЙ РАДИ РУСИНОХ НА ПОДКАРПАТЮ

    Шветора рада Русинох на 6. зашеданю у новим зволаню (од 10. Шветового конгреса Русинох, хтори у Руским Керестуре у Сербиї и Петровцох у Горватскей отримани 4-7. юния 2009. року), хторе отримане 20. новембра 2010. року у Братислави у Словацкей под 4. точку дньового шора (Проґрами) розпатрала: Актуалне положенє и сучасни стан, и активносци Русинох на Подкарпатю у України.
    Тота точка дньового шора була приготовена зоз цильом медзисобного информованя шицких членох Шветовей ради Русинох (творя ю по єден представнїк русинских орґанизацийох, або асоцияцийох русинских орґанизацийох зоз Польскей, Ческей, Словацкей, Мадярскей, Румуниї, Сербиї, Горватскей, Подкарпатя у України, єден представнїк русинских орґанизацийох на Сиверно Америцким континенту, як и єден представнїк Шветового форума младих Русинох, хторих шицких вибера ШКР), а так то робиме и з каждей нагоди и на каждим зашеданю ШРР вше у другей жеми. На дньовим шоре 6. зашеданя ШРР тота точка була и зоз цильом благочасного пририхтованя наступного зашеданя Шветовей ради Русинох на Подкарпатю у України.
    Уводнїчаре по тей точки дноьвого шора на 6. зашеданю ШРР були Валерий Падяк, голова Правлиння Закарпатского обласного благодїйного фонда "Русинська школа" и Микола Бобинец, голова Крайового товаришства Подкарпатских Русинох, член ШРР. Тоти два русински орґанияациї на Подкарпатю у України урядови членїци Шветового конґреса Русинох.
    Валерия Падяка я особнє волал на 6. зашеданє ШРР ище 1. новембра 2010. року, на стретнуцу у Руским Керестуре, кеди зме вєдно зоз паном Владимиром Противняком, секретаром ШРР, телефонски и по мейлу утвердяовали же 6. зашеданє ШРР треба же би було отримане у Братислави , 19. и 20. новембра 2010. року, зоз цильом подзвигованя уровня означованя и преслави 20-рочнїци Русинскей обради у Словацкей.
    Скоро єдногодзинова розправа по тей точки дньового шора, хтора ушїдзела после обсяжних информацийох хтори у найщиршей намири винєсли и В. Падяк и М. Бобинец, закончена зоз заєднїцким заключеньом же наступне, 7. зашеданє Шветовей ради Русинох будзе отримане у марцу 2011. року у Мукачеву и у Ужгороду на Подкарпатю у України, у заєднїцкей орґанизациї М. Бобинца и В. Падяка, односно їх орґанизацийох.
    Аж потим сом, як предсидатель Шветовей ради Русинох, подзековал Валерийови Падякови и замодлєл го же би законченє 6. зашеданя ШРР причекал у сушедней просториї у Братиславским Доме новинарох, дзе були и други нашо колеґове, нє члени ШРР.

    Значи нїхто нїкого нє вигнал зоз зашеданя Шветовей ради Русинох, а информация хтору сце обявели достату од анонимного автора нєточна, нєправдива, подполно погришна, та з тим и чкодлїва. Зоз дакус добрей дзеки могли сце дойсц до телефонских число або мейлових адресох голєй даєдних членох Шветовей ради Русинох, у тексту преволаних особох, та превериц точносц тих информацийох. Но, можебуц Ваш задаток, або циль бул иншаки?!

    Сердечни поздрав,

    У Руским Керестуре,
    10. 01. 2011. року

    Дюра Папуґа, председа Світовой рады Русинів

    Рейтинг: 
    Загрузка...