ПРЕЗИДЕНТ ПУДКАРПАТТЯ, А ВАТЬ ЯК МЫ ПАЛЕНКУ У КИРИЦЬКАХ ПИЛИ. (30.01.2009 архив) Репортера.

ПРЕЗИДЕНТ ПУДКАРПАТТЯ, А ВАТЬ ЯК МЫ ПАЛЕНКУ У КИРИЦЬКАХ ПИЛИ. "Обновлено" 30.01.2009 (12:18) Но та най не подумать чилядь ош іщим пяный , лиш типир им у куражови. Былисьме з Марійов мало у драча , што коли її игла уколола у гузицю то так сміявимся до срача. Та не буду Марію я ганити бо дівка файна тай цицьката.Про президента временного хочу розказати ,бесіду повести: каже чилядь што были они у град наш столичный лиш про паленку не думайте нараз «Пшеничну» Та там зобралися чилядь из многих району там батюшки были Отець Сидор тай отець Сючь тай великі наші началники Микула Бурак, тай Єнів Жупан. Кажуть ош наші фатьтьови там лише сиділи нич не казали лиш сваду слухали, но знаете кить наші ся сважавуть то цигане ся прячуть , бо вошвилы з мотыками літати мавуть. Там напав із свадов піп Сидор на якогось фатьтьова Миколу Жаливу ко ото Жалива наші го добре не знавуть лиш у лице спознавуть.Отот Жалива ош на батюшку в інтернатови кал усяди мече, наші раз ся не розуміли як ото гіном по інтернету, метатися можка , та дале Сидор того гіна тулько наметав , на того Жаливу што ледве го видко было. Тай професор Туряниця на того Жаливу гіна метати начав, Сидорови помагати. Хотя як казав писатель Петровці на усьу Україну што професор Туряниця та Єнів Жупан списаний матаріал,а тот писатель у Сидора косиці тай траву ,пудстригать, зато до телевізора його украйинці допустили. Та коли тот фатьтів Жалива устав та раз, два писок Сидорови закрыв, ош бреше Гецко Кушницький у тому інтернету. Но ко такий дурный Петро у Кушници чилядь знаэ.Та туй як чилядь увиділа ош Жалива Сидора посадив на гузицю коли начала на Сидора кричати. Та усі Жаливу пуддержали мы трое правда мовчали , а было там чиляді дись тридцять . Ош поклав ун дурного Гецка у премйеры , ош нико того (хворого) не убирав майже Сидор робить на СБУ як робив на КГБ та тым дурньом наш русинський рух хоче загноїти. Ош тот дуринь войско чужое до нас кличе бо Москва му гроші платить.Довго бы розказовати за оту сваду , та пак устав Сидор та каже : Не буду я президентом не хочу , а буду з отцем Сючем вам службы служити. Кить треба то Гецкови і по голові мож дати , най НРРЗ убирать президента ,най Єнів Жупан ним буде. P.S Або як казала чилядь у кулуарах, а нас у державі у тых кулуарах усьо ся й принимать (коли у пудвалі палинку пили) што Жупан президентом быти не хоче,бо бойиться роботы ся лишитися, а увін файний детський дохтор, завідує у Мукачеві отделением реамініаційним діти там спасає. Так што так кажуть ош раз буде президентом тот фатьтів Жалива. Ісе нянько ми розказав , а я написав (Іван Притисканин) Анны Притискані сын. Так што Жаливо спрагуйся, бо кить нет, жаливов по гузиці уд нашого русинського народа і дустанеш,докіть не убереме собі президента усьим нашым народом. Йой ,малом не забов тай Микола Буряк нич проти того не казав. Тай іще там казали ош Жалива упакуе Петра з Пудкарпаття з куфрами уд маскалям у якусь больницю де Петро уже пару раз бов , ош Микола Буряк знає у яків больници Гецко лічився ,так што адрес довго глядати не треба буде. Кить нянько упозирать ош такое написавим до інтернету , то копачом дустану файно , едно добре нянько у інтернет не залізе, бо незнає. А того Сидора я не люблю . бо про нього тулько не файного чилядь говорить. Ош не православным бов хрещений ,тай чилядь у Перечині за арматуру у церкви брати кликав, бити греко –католиків за церквов.Боже прости ми кить штось я нагрішив у сьому інтернету , та лиш истинну правду написавим.Іван Притисканин (Анны Притискані сын).PS Забывим іщи указати што нянько казав ош убы бов премэр - міністром пан Лецович з Мукачева.