ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

Дяковне письмо і просьба о схвалїня закона „О основах штатной языковой політікы“ на Українї.

    28 березня 2024 четвер
    Картинка користувача М.БОБИНЕЦЬ.
    СВIТОВА РАДА РУСИНIВ / РУСНАКIВ / ЛЕМКIВ WORLD COUNCIL OF RUSYNS Tel.: 00381/25 702 000, 00381 /64 430 46 40 e-mail: [email protected] 00421/57 74 601 32, 00421 /911 070 023 e-mail: [email protected] Svetový kongres Rusinov, Levočska 9, 080 10 Prešov, SLOVENSKO Посланцї Верьховной Рады Україны, Грушевского 5 К И Ї В, УКРАЇНА Дяковне письмо і просьба о схвалїня закона „О основах штатной языковой політікы“ на Українї. Важены посланцї Верьховной Рады Україны, при проїднаванї наврґу предложеного Закона о основах штатной языковой політікы на Українї, яке ся одбыло 05. Юна и 03 Юла 2012 року в першім и другім ґолосованю підпорило пропозицію 234 и 248 посланцїв Верьховной Рады Україны. Члены Світовой рады Русинів, засыламе Вам Дяковне письмо за высловлёвану підпору посланцями Верьховной Рады Україны, до проїднаваного наврґу Закона о основах штатной языковой політикы Україны. Особливо притискуєме потребу, абы Закон штатной языковой політікы на Українї, з установлїнём штатного україньского языка і 18 реґіоналных або меншыновых народностиых языків на Українї, што найскоріше урядово прызнав міджі ними і русиньскый язык. Русиньскый язык ся днесь хоснує у векшынї середнёевропскых країн в котрых жыють Русины (Руснаці і Лемкы), хоснуючї вшыткы установлїня Европской харты реґіоналных або меншыновых нарадностных языків. Є тому так в Польску, Чеську, на Словеньску, в Мадярьску, Сербії, Хорватії і в Румуньску. Дотеперь тому небыло так, лем на Українї. Высокы школы, на котрых ся днесь може штудовати русиністика уж давнїше екзістують в Новім Садї в Сербії, в Пряшові на Словеньску, в Кракові в Польску і в Нїредьгазі в Мадярьску. Зарівно хочеме Вас інформовати, же наслїдный 12. Світовый конґрес Русинів (Руснаків і Лемків) ся одбуде в юнї 2013 року в Мукачеві і в Сваляві на Підкарпатю ( Україна ), на котрый будеме позывати і Вас посланцїв з Україны. Віриме в успішне схвалїня закона і новы можности при ужыванї реґіоналных або меншыновых народностиых языків на Українї. Сердечно поздоровляме В Руськім Керестурї, 27. юна 2012 Дюра Папуґа, председа Світовой рады Русинів/ Руснаків/ Лемків