Иван Русин. Истинный русин нигда не перестає быти русином!

Иван Русин. Истинный русин нигда не перестає быти русином! Сам Бог на Страшному Суді заговорит до русинов по русинськы, як и до украйинцюв - по украйинськы! Часто чуєме фразу: «Русин - це стара назва українців». Не будеме входити у бесіду же сама фраза складена антинаучно, но, што важно и очевидно, што йсе не лем фантазія, ай тяжкый діагноз! Но днеська бесідуєме про вто, чом русины пишут на русскому языкови в Інтернеті? Ясно: для ясности всім ко ото читат! Што ся тыче (касаєся, дотуляєся) знаня русского языка подкарпатськыма русинами, и не любов до сёго факта русофобів, то скажеме, же мы не сердимеся, же лемкы-русины ліпше знают и правильніше пишут по польськы чим по русинськы. Но то їх - полонійська реальность, котра иншака чим наша, як и словацькі русины ліпше знают писати по словацькы. Галичане-украйинці барз люблять польську мову и мы в Закарпаттю не робиме из того нич, то їх історія. Но чому їх то дразнит, же мы любиме всі нації, и русских-великороссов? Мы подкарпатські русины поліглоты: маєме владіти и русинськым языком А. Духновича и языком Ломоносова и Пушкіна и языком Т. Шевченка, и легко ся розуміти из словаками, чехами, поляками, хорватами, македонцями, сербами, мадярами, волохами и швабами. Мы русины маєме быти трудолюбиві, шпуровні, шіковні, чамняні, не збыточны, файні, богобойні, молитвенні, любити пущиня и пост, красно вести свальбы, співанкы свої не забывати, одзыватися на помуч, змагатися мати своє, приправлені до цімборства, ни´да не шатовати, пиловатися лем на добро, ліноватися на зло, любити и честовати свою родину, любити їсти пішу пасулю из капустов, мати хыжу фронтівку, мати вирьх (укр.дах) из черепа (укр. черпиці), на подови свою солонину и пікницю, у сусіку и у ладі мати и шатя-платя, топанкы понести до шустра, а чижмы до чижмаря, и гроші зароблані домув принести, піпу вать ці´аретликы ліпше не курити, ай ліпше погарча палинкы переверичи, цінянку сливлянкы три крат на вшиткі дны, не быти битіжным (укр. хворим), а здоровыми як дуб, як истинный хлоп! Так нам заказали наші діды! А наші жоны-русинкы мают добре знати штріковати, вапнити, їсти варити (укр. готувати), вароватися од суйиты, быти паранні, любити спіховати, дітий пошорити, зобрати їм часть (укр. придане), не быти фарагловані, красно бігльовані, на тварь (укр.на обличчя) фурмисті, не быти по натурі наддуристі, похопні из первого слова, чесні (вірні), присягані, дівку готовити на оддажу, хлопчища - на женитьбу, знати напаровати кля´аный сыр, зварити пудбивані крумплі, запражку, гонці держати пошкребані, шпоры повошпоровані, у ´елеті мати чисту из кирниці воду, у дийжи мати помыї для маргы, мачку сыту, мацура довольного, пса у будці, мужа у постели, дітий на подрянці, двур мати из закапчанов капуров, хлів из сакастом, дриварню из шопов, мати планкач січи дрыва, керт (укр.сад) поаршованый, ружі(укр.квіти) понасажовані, город чистый повный яблунок-євнотанок, пару біжалм, повно слив дуровань, быстриць, червеных слив (на палинку-сливлянку), и многоє ищи другоє, за котроє галичане не русины-украйинці и не подозрівают. Най їм Бог перебачит, што їх насилу заставляют называтися гибы и они колись были русины, а поправды они «русскіє Червонной Руси»! Истинный русин не перестає быти русином не лем у німецькому, ци в советському ла´рови, но и в украйинському ла´рови (укр.концтаборі) для малых народов из именем «незалежна (од чого?) Украйина», котра, як пишут мудрі люде, творит етноцид русинського народа из явныма признаками геноцида! Но то все так не буде! Йсе и мучит нацистов-антирусинов, што рано или пузно їх заставлят паковати пакы и куфры, аж ся не исправлят!