Ладислав Лецович - борец и сторонник за самоврядну спеціальну національно-адміністративну територію
[b]Ладислав Лецович - борец и сторонник за самоврядну спеціальну національно-адміністративну територію [/b]
Не так часто маємє возможность фіксовати выступы русинов на зїздах. В редакцію новинкы “Под.Русь” прийшов председатель общества Подкарпатськых русинов Ладислав Вас. Лецович и передав нам свуй выступ ищи из первого зїзда русинов в Мукачеві. Ищи там вун основный вопрос Декларації Сойма русинов поднимав одкрыто, констатуючи, што требованіє русинов про спеціальну самоврядну територію - фактично возобновленіє нашой русинськой державности Подкарпатська Русь, є ёго жизненным кредо. (Даєме текст у куршому виді).
Честовані русины!
Позвольте ми поздравити пред-ставителів народной власти, впервые избранных народом, а также предста-вителів большинства-корінного народа "русинов".
На настоящый І-ый Сьезд Русинов выносится два главных вопроса:
1)Законноє требованіє корінного народа о возстановленіи забороненой національности "Русин", котра волёвым рішенієм диктаторськой сталінськой власти в воєнному 1944 году была замінена на названіє – "украйинец".
2) Реалізовати результаты референдума 1991-го года о представленіи краёви статуса спеціальной самоуправляємой територіи, согласно рішень Сен-Жермена, из всіма вытекающыма удсіть послідствіями, як напримір:
-избраніє народом Парламента Края, контроль за ресурсами и транзітами;
-проводити класичноє обученіє дітей з ознакомленієм їх из ліпшыма образцами русской, украйинськой, так и классичной Русинськой Літературы. Предоставленіє русинам и їх дітям доступа ид источникам "истинной" исторіи нашого края.
-проводити в житя антинаціона-лістичный подход в языковуй сфері, оддаючи честь первородства Великому Русскому языку, (над совершенствованієм котрого трудилися и наші Будителі), и наряду из ним русинському и другым языкам.
3) Одкрыти при університетах, институтах кафедры русинського языка и літературы, исторіи края, и русинського народа, воспитати уваженіє до традиційных релігій края из цільов профілактикы од націоналістичного фанатизма.
4) Способствовати возстановленію розрушенной економікы края, котра бы позволила регіону стати самодостаточным в жизнеобеспеченію.
5) Таможені сборы и консульскі одділы довжні наповняти у перву очерідь містный бюджет.
6) Містна народна власть довжна зробити всё, обы на Отцюзнині русинов создавалися робочі міста и обы народ наш мав доступ до безплатного высшого образованія. Призываю русинов поддержати Декларацію, выражающу нашу общу позицію.
Л. Лецович. Л. Лецович.