Резолюція Світового конгреса русинов

Резолуція делеґатів 10. Світового конґресу Русинів, 4. – 7. 6. 2009, Рускый Керестур (Сербія) і Петровцї (Хорватія) І. / 10. СКР конштатує: В часі од 9. до 10. Світового конґресу Русинів (СКР) Світова рада Русинів (СРР) выконала хосенну роботу, жебы підняти світове русиньство і рішала ёго найважнїшы проблемы. На 10. СКР было притомных 82 делегаты із 90 позваных, котры заступовали 10 членьскых країн світа. ІІ. / 10. СКР бере до увагы: А / Справы о діятельности русиньскых орґанізаціі в країнах здруженых у СКР, котры прочітали на Конґресї члены СРР за окремы країны. Б / Справу о господарїню СКР за період од 9. СКР прочітану выконным секретарём СРР Александром Зозуляком. В / Справу председы СРР Павла Роберта Маґочія о діятельности СРР од 9. до 10. Світового конґресу Русинів і задачах, якы стоять перед нами. Г / Інформацію П. Р. Маґочія, же в далшім періодї не рефлектує на фукцію председы СРР а А. Зозуляка – на функцію выконного секретаря СРР. ІІІ. 10. СКР схвалює: А/ Про роботу під час 10. Світового конгресу Русинів і в наступнім періодї до 11. СКР председів окремых комісій: 1. Комісія про освіту Ксенія Медєші 2. Комісія про културу Миломір Шайтош 3. Комісія про літературу і выдавательску дїятельность Владимір Дудаш 4. Комісія про духовну область о. Михайло Холошняй 5. Комісія про економічный розвой Мирослав Сіладї 6. Комісія про історію Валерій Падяк 7. Комісія про списованя людей у 2011 – 2012 роках Владимір Противняк Б/ Комісії під час 10. СКР: 1. Мандатну в зложіню: М. Шайтош, І. Петрецькый і Ф. Латтова; 2. волебну в зложіню: М. Медєші, М. Кереканіч і Л. Вожняк; 3. пропозіційну в зложіню: М. Крайковіч, В. Дзядик і Я. Сабо. В/ За члена СКР: 1. Клуб Русинів і приятелїв Підкарпатьской Руси з Чеськой републікы, 2. Закарпатьскый областный благонадійный фонд „Русиньска школа“ з Україны. Г/ За кандідата на членство у СКР: Русиньске землячество „Карпатьска Русь“ із Росії. Ґ/ Зміну Станов СКР, а то в статях чісло: 1. 1 „Основны установлїня“, пункт 2 „Центер“: „Левочска 9, 080 01 Пряшів, Словеньско“ ; 2. 3 / А „Членство“ доповнити пункт: „У новоприїманых членів ся становлює кандідатьска доба 2 років“ , 3. 3 / А „Членство“ доповнити пункт: „СКР може удїлити честне членство“ ; 4. 3 / Б, пункт 2 „Світова рада Русинів“ доповнити пункт: „Председа, підпредседа, выконный секретарь а іщі єдна особа выбрана споміджі членів СРР творять ґреміум СРР“. 3 / Б, пункт 4 „Ревізор“ змінити на: „Ревізну раду“ і доповнити: „Складать ся найменше із 3 членів із окремых країн схваленых СКР, котры спомеджі себе зволять председу Ревізной рады СКР“. Д/ Пропозіцію делеґатів 10. СКР на выпрацёваня змін у Cтановах СКР і новы, доповнены Становы СКР предложыти на схвалїня 11. СКР в Мадярьску. Е/. Зложіня новой Світовой рады Русинів, у складї котрой суть: Микола Бобінец (Україна), Наталія Гнатко (Хорватія), Андрій Копча (Польща), Маріанна Лявинець (Мадярщіна), Джон Рігетті (Северна Америка), Дюра Папуґа (Сербія), Александер Мошкола (Чехія), Владимір Противняк (Словакія), Юрій Фірцак (Румунія). На своїм першім засіданю нова СРР зволила за председу СРР Дюру Папуґу, підпредседу СРР Маріанну Лявинець а за выконного секретаря СРР Владиміра Противняка. В такім складї, доловнене о Андрія Копчу, буде оператівно робити ґреміум СРР. За председу Рады Світового форуму русиньской молодежи (СФРМ) быв 4. СФРМ схваленый із правом гололсованя у СРР Мартін Караш із Словеньска (може го з ёго повірінём із такыма істыма правами заступити і підпредседа Рады СФРМ). Є / Ревізну раду CКP зложену : з предствителїв Хорватії, Румунії і Чехії. Мена і призвіска предложать СРР представителї увеженых штатів до 30 днїв од скінчіня Конґресу. Ё / За чесного председу СКР: Павлa Роберта Магочія. Ж / У роцї 2011 буде єденадцятый Світовый конґрес Русинів у Мадярщінї. Ґаздом конґресу буде Вседержавне общество русиньской інтреліґенції Антонія Годинкы. ІV. 10. СКР укладать : А / Бывшому председови П. Р. Магочіёви і бывшому выконному секретарёви СРР А. Зозулякови передати новому веджіню СРР фінанчну і учтовну евіденцію, як і писмову аґенду СРР до датуму конаня СКР. У связи з тым дати знати партнерам о змінї адресы СРР. Термін: до 31. 6. 2009 Одповідны: в техтї Б / Обернути ся до презідента і председы влады Украны із жадостёв о приятя сполочной делеґації СРР і русиньскых орґанізацій на Укранї з цілём обговоріня проблематікы узнаня карпатьскых Русинів за автохтонну націоналну меншыну на Укранї. Термін: до 31. 8. 2009 Одповідный: председа СРР В / Просаджовати в контактах із урядами Европской унії узнаня карпатьскых Русинів за автохтонну націоналну меншину в каждій державі, де они жыють компактно, жебы їм было ґарантоване право автохтонного народа і дотримованя владами вшыткых прав подля штандардів, задекларованых Орґанізаціёв споєных народів. Термін: рік 2009 Одповідны: члены СРР Г / Делеґаты конґресу через СРР ся обернуть із жадостёв до влады Польской републікы о узнаня Акції „Вісла“ за незаконну, а з той причіны і о направлїня кривд вчиненых Лемкам Польска внаслїдку їх выселїня в роках 1945 –1947. Термін: до 31. 8. 2009 Одповідный: председа СРР Ґ / Створити централну інтернетову сторінку СКР і забезпечіти, жебы з каждой державы была доповнёвана найважнїшыма інформаціїями зо жывота Русинів. Носителямь того проєкту суть Мірослав Будиньскый а Мірослав Сіладї, котры до 30. 8. 2009 створять інтернетову сторінку, котра, окрем актуалных інформацй, мать обсяговати: – Русиньскый інтернет Бізніс Центер, – Пресовы інформації на інтернетовій сторінцї Есрутенпрес, – Актуаліты у кампанї перед списованём людей у 2011 і 2012 роках в окремых країнах, – Інфґормації о діяльности Cвітового форуму русиньской молодежи. Термін: рік 2009 Одповідны: Мірослав Будиньскый, Мірослав Сіладї, Владимір Противняк, Мартін Караш і каждй член СРР Д / СРР вытворить економічну комісію, зложену з представителїв окремых членьскых штатїв СКР, котра буде сполупрацовати з Русиньскым інтернетом Бізніс Центері і буде ся занимати економічныма вопросами, подникателями, глядати меценашів і ословлёвати успішных русиньскых бізнісменів із окремых штатів, жебы економічно посилнити СКР. Наголосити СРР представителїв за окремы членьскы штаты СКР. Термін: до 30. 8. 2009 і безперерывно Одповідны: члены СРР Е / Членам СРР зачати зо своїма орґанізаціямі докладну кампань перед списованём людей у роках 2011 – 2012 в окремых країнах, де жыють у великій мірї Русины, з цілём штонайвеце зреалнити чісло Русинів. Дбати на то, жебы на гарках списованя были уведжены колонкы – народность: Русин, материньскый язык: русиньскый. Кідь то не буде, так обернути ся на владу власного штату і Раду Европы (єй комісію), жебы была зроблена штонайскорїша направа. Термін: безперерывно до 2011 – 2012 Одповідны: члены СРР Є / СРР попросити писмом Европску раду про меншины, жебы при списованю людей у роках 2011 і 2012 были придїлены в окремых країнах, де жыють у великій мірї Русины актівісты і позорователї, котры будуть доглядати над роботов комісіїй списованя. Термін: до 30. 11. 2009 Одповідны: председа і члены СРР Ё / За помочі СРР створити концепцію конкретной сполупраці міджі школами, сістематічного штудованя русиньского языка і културы в школах окремых держав, выміны штудентів, учітелїв, помочі орґанізованя стріч міджі нима у формі семінарїв. Термін: од 1. 9. 2009 і безперерывно до 2011 Одповідны: члены СРР і Школьской комісії СКР Ж / На основі роботы комісій під час 10. Світового конґресу Русинів у наступнім періодї до 11. СКР будуть доповнены комісії о членів із каждой членьской країны, СРР скличе самостатны рокованя окремых комісій, котры приймуть головны задачі на даный період до 11. СКР. Термін: до 1. 9. 2009 і квартално Одповідны: члены СРР і председове комісій Резолуція 10. Світового конґресу Русинів схвалена делеґатами в Руськім Керестурї (Сербія)/ дня 7. 6. 2009. Підписаны члены пропозіційной комісії : Мірон Крайковіч, Ванё Дзядик, Янош Сабо