Стихи по русинськи.ШОВДАРЬ

ШОВДАРЬ Я Шо́вдарь перед сві́том сла́влю, Я не фіґлю́ву і не ба́влю! Я го́лосно про то бубну́ву, Я Шо́вдарь дуже лю́блю і честу́ву! Бо лі́пшого од Шо́вдаря не зна́ву, За ньо́го фурт лем ду́маву, його жада́ву! Який пара́нний вун, який пахня́чий, Добре́зний вун сири́й, варений і горя́чий. Приста́в би я на Шо́вдарь фурт лем позера́ти. Таку пара́ду неземну́ од со́бі хочу притуля́ти. Вун кавільо́во-золоти́стий, фа́йно закуре́ний, Смачни́й як нич у сві́ті і такий соле́ний. Вун як Вутцю́знина – нам дороги́й і ми́лий. За ним із мо́ста ско́чить, што молоди́й, што си́вий. У ка́ждого русна́ка Шо́вдарь сла́ву ма́є, За ньо́го вун тако́є, гі за ма́тір свою зба́є. Бо Шо́вдарь – то не про́сто сви́нська ла́ба, Сесе́ намно́го ви́шше, гі францу́зам їхня жа́ба. На Шо́вдарь науче́ні ми моли́ти, І Шо́вдарь, а не жа́би, носиме сяти́ти. Володимир Ришко