Страсті довкола принятя русинськой організації з Росії в Світовий Конгрес Русинов (СКР)

Мало історії. Русины Росії пробывали стати членами СКР з Пілішсенткерест (11 СКР В Мадярщині) и товды СКР одкрытым голосованьом не приняв організацию з Росії. На 12 СКР на Подкарпатю вопрос принятя Росії в СКР быв знятый з дньового шору по туй причині, што была не правильно оформлена заявка на членство у Конгресі. Русськоє авось Много было бисід до Конгреса в Румунії: ци приймуть Росію, ци ньит, и делегації ся розділили майже на пополам, але всьо рішив е-мейл од пана Фатули, што прийшов 18.06.2015 на адрес Д.Папуги. «По технічним причинам делегація з Росії не може прийти…» так написав лідер русинов Росії. Многі люде, што хотіли голосовати за Росію, по такому игнорованьови перестали віровати Фатулови. Історія ся повторять вадь русська несеренча. 20.06.2015 по дньовому шорі мало быти голосованя за Росію. Д.Папуга пояснив, што по причині отсутствія делегації не є сенсу розглядовати сись вопрос. Почалися протести з зала. Д. Папуга предложив голосовати. З 86 делегатів Конгреса 76 проголосовали проти розгляда вопроса штодо прийома Росії. Йсе красноречиво говорить про авторитет Росії у Європі и меджи Русинами світу.