Додати новий коментар

Сидор и Жупан понаглявутся сісти на трон вождя. Єден ся пилує исперти на матушку-Русь, похосновати її, а другому свербить стати великим політиком и подгребсти пуд єден клан цілоє русинство.
Руські хоснувут Сидора, уже вун співать лем за антиукрайинство, бандерізацію, солідарность из Косовом, галицефобію, нелегалофобію, руський контроль території русинів (под видом защиты газовой трубы) и отділноє государство Южных Карпат. Не мож му вірити, и кіть каже, же вун за європськый выбор, бо много пискує проти оборонной сістемы Європы і вішає плагаты протів НАТО. Жупан – слабенькый, авторітет го паде, майперше у очах тих, хто го успішно дрилив на пост депутата облрады. Зато вун ся блокує із Сидором, обы даяк світитися. Обає увіровали, же скоро русинство їм принесе дівіденты. Зато и пилувут обає, бо чекавут, як манну небесну, скороє урішеня проблемы русинства. Зато ани єден, ани другый до великой роботы в русинстві не мавут діла, ани силы тото русинство дриляти не мавут. Така позиція лем послаблює русинство, од котрого отпадувут молоді сили і котроє поддержувут лем пензішты.