Много шума из ничого (Русины).

Перепозиравим інформацію про візит чеських депутатів и наших, іршавських емігрантів з Чихії - В.Джугана и М.Тяско , котрих водив по Закарпатьови М.Бурак. Май булше мені ся запомнили слова В.Джугана , котрий уповів про права Русинов Подкарпатя - "... ви маєте право жити и називати себе русинами... https://www.facebook.com/bobynets.mykola/posts/982186471843181?pnref=story". Йсе треба было прийти из Чехії оби просвітити "темних", "недалеких" Русинів у себе дома!!! Без пана Джугана мы йсе не знали... . Дуже добре паріровав йсі слова Б. Лакатош – ".... они постаравуться помочи, вто не значить ош они ( депутати ) вто зроблять..". Йсі фрази є ключовыми и розкривавуть основну ціль прихода сьої делегації. Айбо перед тим пару слов про делегацію. Делегати чиського парламента ( авторитетна поддержка п. Джугана ) были ухосновани Бураком и Джуганом для свих интересов. М.Бурак хоче указати свуй авторитет на Подкарпатьови (типа - лідер), В.Джуган - свою важность у політичних кругах Чиськой держави и зробили для депутатов шоу под назвов -" Русины Подкарпатя з нами!!!". Дале про Світовый конгрес подкарпатських русинов. Йся организація была создана под руководством Д.Сидора , котрого угнали из Світовой ради русинов. Знавучи , што В. Джуган є не бідным чилядником, утягнув го у йсю авантюру. Хочу напомнити, ош з 1991 року Русины Світу обєдинилися у Світовий конгрес русинов, котрый одмежовуєся од СКПР. Тому Д.Сидор не мавучи вліяніє, тратячи возможность заробляти на русинах світу, пішов по принципу – розділяй (зроби ищи єдну організацію) и властвуй. Приход чиськой делегации фактично є символічним , бо кураторами з Востока бизівно давно написано депутатськоє обращеніє у парламент Чихії о положении Русинов Подкарпатя. Тих Русинов, што прийшли на стрічу в Ужгороді, Сваляві, Мукачеві ищи раз ухоснувуть у свих політичних ігрищах "добрі" дяді из-за готара.Представитель Русинов Подкарпатя у Світовуй Раді Русинов М.Бобинець