НРРЗ здоровит подкарпатцю з Великим Празником Рождества Христова !!!
26 апреля 2024 пятница
06.01.2012 (17:36)
Народна Рада Русину Закарпаття од усього серця здоровит любых земляку з великым Празником Рождества Христова !!!
Дорогі наші подкарпатці, мы видиме результаты світової кризы, яка дуже больно зацепила большинство наших сімей, мы всі видиме величезні проблемы Україны, яка ныні напоминає вуз, якый тягнут у разні бокы...
Розумієме, же процвітання нашого краю залежит од нашої єдности, од пуддержкы друг-друга, од возрожденія нашої економікы, од єдности русину Світа, од нашої духовности...
В сі непрості часы для нашого Народа, віриме у возрожденіє нашої Утцюзнины і мусиме всьо для сього зробити.
Надіємеся, што в сьум году Україна вызнає русину, як нас вызнали 22 державы Світа.
Желаєме Вам усякых благ, ісполненія Ваших желаній, Великої Божої Благодати, здоровля, щастя, духовного і матеріального возрожденія. Желаєме добре провести Празник, ай колядовати !!!
Многая і Благая літа Вам ушитким !!!
Христос ся народив ! - Славити його !