ЧитаютКомментируютВся лента
Это читают
Это комментируют

Новости и события в Закарпатье ! Ужгород окно в Европу !

Рождественськоє поздравленіє Подкарпатськым Русинам!

    12 мая 2021 среда
    Аватар пользователя Палінкаш Іван Іванович

    Возлюблені о Господі, боголюбиві подкарпатські русины, братья и сестры всіх національностей Закарпаття-Подкарпатськой Руси!
    Мы стойиме на порозі Нового 2013 года благости Божієй для вшиткого Божого творенія и для нас, древнёго народа подкарпатськых русинов!
    Заново и радостно готовимеся стрітити достойно великі празникы Рожденства Господа и Спаса нашого Іисуса Христа, Обрізание, памнять святителя Василия Великого и Новый Рік церковный, а щи пак - Водощі-Богявленіє. Лем позад сёго зайдеме у Мнясниці.
    Из святыми чувствами мы, РУСИНЫ, мысленно приступаєме ид Віфлеємськым яслям. Якыма словами можеме выразити нашоє благоговеніє перед сим Тайинством явленія Бога? Пак позираєме, вникаєме и видеме: «Небом — став вертеп, престолом Херувимськым — се Діва Марія, а яслі стали ото самоє вмістилище, в якому возляг невмістимый Христос Бог», ради нашого спасенія!
    Пребываючи из Господом, мы, давньый мирный європейськый народ РУСИНОВ, уже 20 годув из надійов молимеся, трудимеся, боримеся за свої законні права и свободы перед лицём антирусинського бездушія, чиновничого хамства, владного безпреділа, судебної вакханалії, терплячи всякі бріхні в пресі. Но вто, вшитко організованоє против нас зло, не озлобило нас, не увело нас из терпіня, не подвинуло нас на помсту. Но, наоборот, йсе дало нам ищи бульшу силу духа войти в Новый Рік сміло, из мирными намірами и готовнос-тьов дальше рішати свої проблемы и актуальні задачі лем мирным благород-ным парламентськым путём.
    Благодариме Господа, будучи признаны як русины цілым світом, Закарпатськов обласнов радов од7 марта 2007 года, доставши, накониць, право хосновати свуй русинськый язык як регіональный «Законом про мови” и рішеням облради од 27 декабря 2012 г.!
    ПАК мы, русины, выше тисячу годув не перестаєме хосновати СВОЮ МИЛУ РУСИНСЬКУ БИСІДУ, народні русинські співанкы, древні русинські колядкы, богослужебні піснопінія на Карпаторуські церковні гласы, прославляючи рожденіє Богомладенца Христа, радостнов вістков: Христос Раждаєтся! Славите Ёго! Камай духовноє и озаряє наш живот, одтісняючи сёгосвітні наші проблемы на вторый план. В сих духовных гімнах чистотов отображаєтся душа нашего боголюбивого народа, ёго вера, ёго вікові надежды и чаянія, радость стрічі из Тым, Ко явив мирови путь, истину и жизнь (Ин. 14: 6). И мы, як народ, за віше 1100 годув не остаємеся без награды од Господа.
    Поклоняючися Богомладенцу Христу, будеме просити Ёго о мірі и благоденствіи, обы Спаситель Христос просвітив и благословив миром и національным успіхом наш подкарпато-русинськый народ. Обы и мы, довєдна из Ангелами, воспіли хвалебну пісню: «Слава в вышних Богу, и на земли мир, в человіцех благоволеніє!».
    Дорогі русины и вшиткі люде благой воли! Од имени руководства Світового, Європейського конгресов, Сойма Подкарпатських Русинов и Народной Рады Русинов Закарпаття, поздоровляєме ВАС из Рожденством и Новым Годом! Желаєме всім вам благословенія, мира і процвітанія.
    Христос Раждаєтся! Славите Ёго!
    Дмитрий Сидор

    Рейтинг: