ЧитаютКомментируютВся лента
Это читают
Это комментируют

В И М О Г А за ришованє статуса Карпатских Русинох у України

    28 сентября 2020 понедельник
    Аватар пользователя Палінкаш Іван Іванович

    ВИКТОР ЯНУКОВИЧ
    ПРЕЗИДЕНТ УКРАЇНИ
    Ул. Банкова 11
    01220 К И Є В

    В И М О Г А
    за ришованє статуса Карпатских Русинох у України зоз їх припознаваньом за окремну националну меншину
    Почитовани Президент України Янукович,
    Шветова рада Русинох на основи Резолуциї 10. Шветового конгреса Русинох, хтори од 4. до 7. юния 2009. року отримани у Руским Керестуре у Републики Сербиї и Петровцох у Републики Горватскей, як и Заключеня зоз 8. зашеданя Шветовей ради Русинох, хторе отримане 22. мая 2011. року у месце Ґеделе у Мадярскей, доручує Вам Вимогу за ришованє статуса Карпатских Русинох у України зоз їх припознаваньом за окремну националну меншину у вашей держави.
    Карпатских Русинох у України нєобходне уключиц до списку националних меншинох у України и дац им можлївосц власного вияшньованя на наступним попису жительства хтори у України будзе запровадзени 2012. року.
    Припознаванє статуса окремней националней меншини за Карпатских Русинох у України од окремного значеня за їх обставанє, як и здобуванє и витворйованє правох на очуванє власного идентитета, окреме у обласцох образованя, културни, информованя и ровноправного хаснованя язика и писма, спрам Европскей повелї о реґионалних або меншинских язикох
    Русини нєшка урядово припознати як окремна национална меншина у Польскей, Ческей, Словацкей, Мадярскей, Румуниї, як и у Сербиї и Горватскей, дзе витворюю свойо права на очуванє и розвой власного идентитета.
    Вимогу за ришованє статуса Карпатских Русинох у України зоз їх припознаваньом за окремну националну меншину у вашей держави 21. марца 2011. року доручели зме и ВЕРХОВНЕЙ РАДИ УКРАЇНИ и Омбудсманови України. Зоз Комитету за питаня правох людзох, национални меншини и медзинационални одношеня ВЕРХОВНЕЙ РАДИ УКРАЇНИ прешлого мешаца достали зме Одвит на поднєшену Вимогу.
    Одвит на Вимогу ШР РРЛ написал и подписал О. О. Зарубінський, Голова Комитету за питаня правох людзох, национални меншини и медзинационални одншошеня ВРУ 26. априла 2011. року. Зоз Апарату ВРУ у Києве Одвит на Вимогу, на адресу предсидателя ШР РРЛ, рушел 12. мая 2011. року, а до Руского Керестура сцигол 25. мая того року.
    У Одвиту на Вимогу Шветовей ради РРЛ нє дати конкретни одвит на вимаганє же Карпатских Русинох у України нєобходне уключиц до списку националних меншинох у України и дац им можлївосц власного вияшньованя на наступним попису жительства хтори у України будзе запровадзени 2012. року.
    У Одвиту Голови Комитета ВРУ наглашене же на остатнїм попису жительох у України 2001. року до етноґрафичних ґрупох українского етносу (а ту ураховани: бойки, гуцули, лемки, литвини, поліщуки, русини) вияшнєли ше 32,4 тисячи особи. Як русини, стої у Одвиту Комитету ВРУ, теди ше вияшнєли 10,2 тисячи особи. Шицки вони – припаднїки етноґрафичних ґрупох українского етносу – односно як субетнос українского народу - маю шицки национално-културни и шицки други права у України.
    А тото же Русини нєшка урядово припознати як окремна национална меншина у Польскей, Ческей, Словацкей, Мадярскей, Румуниї, як и у Сербиї и Горватскей, дзе витворюю свойо права на очуванє и розвой власного идентитета у обласцох просвити, култури, информованя и урядового хаснованя язика и писма, то за України, спрам толкованя яке дате у Одвиту на Вимогу, нє може буц применєне понеже "русини є органічною складовою українскої нації".
    Интересантне же скоро подполно исти текст Одвиту О. О. Зарубінский, Голова Комитету за питаня правох людзох, национални меншини и медзинационални одношеня ВЕРХОВНЕЙ РАДИ УКРАЇНИ, предсидательови Шветовей ради Русинох послал 22. юния 2010. року, хтори до Руского Керестура сцигол 8. юлия 2010. року, як одвит на Вимогу хтора по пошти була послата ище у октобру 2009. року.
    Сердечни поздрав, У Руским Керестуре, 14. юния 2011. року.
    Дюра Папуґа, предсидатель Шветовей ради РРЛ
    http://www.rusynworldcongress.org/11-kongres.htm

    Рейтинг: