Русини Виноградівщини убрали нового голову.
15 июня 2024 суббота
13.11.2009 (09:36)
Состоялося заседание Виноградовского Районного Общества Русину. Были проведені нові виборы головы общества , одноголосно головов став Микола Староста (Жалива).
Доклад (отчет)
Я розуміву яку віповідальность беру на себе , якшто довірите мені , бити головов русинського общества нашого района. Штоб робити сисю роботу по відродженню нашої культури і язика , треба быти патріотом нашого народа, не шкодовати свій час , мати бажання і средства. Сам я не зроблю нич , каждый має хоть мало внести якусь часть в планомірну роботу нашого самопрнднлнния . Не треба класти перед собов не выполнимі задачі , а потихи і все дале.
Хочу остановитися што уже зроблено , туй треба указати великое дякую , Юрію Продану, Михайлови Чухрану, Андрію Черепку ,тай іщи многим русинським патріотам.
Ми робили сисю роботу не для отчёта перед кимось , а робили для нашого русинського народа і нашої совісті. За рік были зроблені такі добрі справи:
1.Презентація книги Михайла Чухрана, районнів бібліотеці.
2.Творча зустріч у Королеві , з презетаційов книг.
3.Концерт русинської культури 1квітня в районному будинку культури.
4.Проведено літературное кафе у школі №2.
5.Виховна година в ПТУ.
6.Участь у обласних конкурсах на ліпшое художньое читання , маєме призові міста.
7.Были проведено конкурс на ліпшое знання нашої історії ,тай легенд краю у школах Виноградівського району , ліпші твори дістали грошові премії, тай будуть опубліковані в районнів газеті « Новини Виноградівщини»
8. Відкрито меморіальну дошку Євмению Сабову.
9.Проведено наукову конференцію до 150 річчя Єменія Сабова , в якій приняли участь много ізвестних у области люди.
10.Іде пудголовка до відзначення 200 річчя Адрія Поповича , плануеме уткрити меморіальну дошку в с.В.Копаня , тай провести наукову конференцію.
11. Маєме русинську програму на нашому телебаченні , сесе заслуга Михайла Чухрана.
12. Проведені телепередачі « Я так думаю» та другі.
13. Маєме уже много публікації в районнів газеті , дякувучи Васильови Кішови.
14. Были поклаладені 6 бігбордів 4- ри з яких пірвали.
Мож іщи продовжувати , но хочу перейти на ото што хочеме дале робити.
Плануеме учинити русинський календар де звести усі церковні тай державні сята.
Закликати більше чиляди до нашого руха, створювати наші осередки у селах, робити молодіжну організацію. Випускати нові агітаційні плакати , є проблема фінансування русинських школ, їх треба намного більше. Треба з помощов наших депутатів добиватися, їх фінансування з районного бютжета. Треба ладитися до перепису 2011 года уби усі русини били там записані , русинами.
Треба договоритися з районнов газетов і робити в ниї нашу сторінку.
Хочеме а вать нет треба находити порозуміння з Світовов Радов русинів і такі контакти ми уже маєме. Глядати можливости для получения гуманітарних грандів.
Прошу мене доповнити і дись ісправити , буду тому радый.