Честовані РУСИНИ.

Хочу внести якусь ясность в тому што сталося на зїзді НРРЗ тай у його кулуарах. Кось може укуситися за едно місто но зїзд состоявся. Многі до нашого зїзду говорили ош НРРЗ ніє , она роспалася бо з НРРЗ уйшов Л.Лецович з свойв організаційов. Были заяви што я не член президії НРРЗ ай самозванець , но зараз коли мене повторно было убрано в президію рот многим мож закрити. Я раз не можу уступати уд усього НРРЗ бо не маву раз таких полномочій ... 14.11 у Ужгороді состойться первоє засіданіє президії НРРЗ , кить мене уповномочать утвічати за пресу, то многое я можу розказати тай дати утвіти на них. Што кось не хотів мене відіти у президії ото факт , но ото каждого право. Была попытка зорвати зїзд ото тоже факт , што кось чекав ош М.Староста(Жалива) начне метати кал на других русину я їх дуже розачоровав , не сталося того чого хотілося. Межи зіздом і фестивальом стався конфлікт між Д.Сидором тай його же сторонниками , они йго обвинили в розкольництві, Жалива в тів сваді участи не принимав , а пішов на улицю. Факт лишаться тот ош люди яких батюшка утягнув, учинив якимись "лідерами" батюшку і начали ганити. Я рахуву ото чистим предательством, так робити не мож. Што Є.Жупан хотів мене уключити з НРРЗ ото тоже факт , но в НРРЗ усі рішення принимать не еден Жупан , а уся президія, ото є демократично тай правильно. Просто Є.Жупану на мене наговорили усьякої брехні і увін у тото повірив, но зараз поняв ош ко є ко. Коли за два дни до зїзду было заявлено ош організація Л.Лецовича не буде учавствовати, у зїзді стало понятно удкіть вітер віє: "пес гавкать а караван іде ", така є арабська поговорка.