На Закарпатье выходит в свет первая «легальная» русинская книга

Президент Украины подписал Закон о языках. В перечень региональных языков включен и русинский (то есть карпаторусинский) язык. Это результат неоднократных обращений русинов к властям в Украине, а также в европейские и мировые институты.

Согласно рекомендациям Верховного комиссара ОБСЕ по делам национальных меньшинств региональным языком на Закарпатье имеет право быть русинский.

Что это значит? Закончился длительный период борьбы русинов за легализацию своего языка. Но это и начало более ответственного периода — заботиться о языке, его функционировании в повседневной общественной жизни.

На днях ужгородское «Видавництво Падяка» выпускает в свет (все еще без какой-либо поддержки государства!) русинскую книгу для чтения — «Літературний кошичок» (составитель — В.Падяк). А значит, она становится первой «легальной» русинскоязычной публикацией в Украине.

Печатаем (на русинском языке. — Ред.) вступительное слово к этому школьному учебнику.

Напутноє слово
Милі дїточкы!
Добрі то тямлю: ищи як дїти, кидь исьме ся бавили, так усе знали выдумати собі даяку жыву забавку. И кидь ненароком дахто до кровли розбив си колїно авадь локоть, так усе чим скорі глядав у траві при путёви напутник, обы го прикласти на подрябину — жебы изоперти кров и рану пригоїти.
Наша карпаторусинська бесїда позберана из десятків тысяч красных слов. И каждоє сякоє слово гибы напутник! Бо слово ти поможе у бідї, скаже ти правду, розвеселит тя, из словом перейдеш цілый світ, познавучи другі языкы и народы, їх звыкы и традиції. Айбо из далекых вандровань усе ся вернеш домів, де тя вірно буде чекати твоє родне слово. Ануж, які то красні слова (лем нам даровані природов!) найдеш у своїй русинській бесїдї! Ниє їх у другых языках:
снїгуляк, мізильник, голубити ся, незломность, невбаленый, приказовати, чудовати ся, яло, новинка, лїнґарь, бетярь, збойник, потятко, перхач, звор, навхтема, Отцюзнина, нянё, одїдичити, пахнячка, парада, трумбетати, столець, стофайтовый, сяченый, присїгати, баюсы, кывати ся, брындуш, вопросити, горізнач, ґомбічка, читавый, файный, мусай, навщивити, веречи, приспати, полівити, пристрішок, луйтра, нанашко, вуйна, фоґа…
Тысячі и тысячі слов! Безмірна краса русинськой лексичной мудрости! Из того студника черяли лексику наші пращуры (праотці). Теперь прийшов час и нам сокотити жыву бесїду, обы и наши правнукы, їх дїти мали щастя хосновати своє, родне.
Як вода точит камінь, так и наша бесїда одточує ся у русинській літературі. Многі літераторы — поеты, писателї, драматурґы, публицісты — старали ся у пережі часы и днесь ся старавут поднести нашу літературу на каммай высокый ровінь. Прийшов час и вам, милі дїточкы, знати нашу карпаторусинську літературу, читати творы майзнамых писателів. Творы подакотрых из них суть представлені у сій читанцї, як то Александра Духновича, Александра Павловича, Анатолія Кралицького, Василя Сочкы-Боржавина, Марії Мальцовськой… Але суть туй и творы днешнёй літературы — од Василя Молнара, Славка Слободана, Тамары Керчі, Володимира Танчинця, Михайла Чухрана, Василя Матолы, Ніколая Гвозды, Ивана Жака, Осифа Кудзея, Ивана Ситара и многых другых писателів.
У добру путь! И най сеся книжочка поведе вас у світ карпаторусинськой літературы.

Автор:Валерій ПАДЯК, кандідат наук, член Світовой академії русинськой культуры