Резолуція делеґатів 10. Світового конґресу Русинів, 4. – 7. 6. 2009 в Руськім Керестурі (Сербія) і Петровцях (Хорватія)

І. 10. СКР конштатує: В часі од 9. до 10. Світового конґресу Русинів (СКР) Світова рада Русинів (СРР) выконала хосенну роботу, жебы підняла світове русинство і рішала його найважнішы проблемы. На 10. СКР было притомных 82 делеґатів (із 90 запрошеных), котры заступовали 10 країн світа. ІІ. 10. СКР бере до увагы: 1.) Справы о діятельстві русиньскых орґанізацій з країн творячіхчленство в СКР, котры прочітали на Конґресі члены СРР за окремы країны. 2.) Справу о господаріню СКР за остатній період преднесену та- йомником СРР п. Александром Зозуляком. 3.) Справу о діятельстві СРР преднесену председом СРР п. Павлом Робертом Маґочійом од 9. до 10. Світового конґресу Руси- нів і найактуалнішых будучіх задачах. ІІІ. 10. СКР схвалює: А) Комісії про роботу 10. Світового конґресу Русинів, в наступнім періоді до 11. СКР і председів окремых комісій: 1. Школьска комісія Ксенія Медєші 2. Комісія про културу Миломір Шайтош 3. Комісія про літературу і выдавательство Владимір Дудаш 4. Комісія про духовну область о. Михайло Холошняй 5. Комісія про економічный розвой Мирослав Сіладї 6. Історічна комісія Валерій Падяк 7. Комісія про зрахованя жытельства Владимір Противняк Б) Комісії в часі реалізації 10. СКР: 1. Мандатнa в складі п. Шайтош, Петрецький, Латтова 2. Волебнa в складі п. Медєші, Кереканіч, Возняк 3. Пропозіційнa в зложіню п. Крайковіч, Дзядык, Сзабо В) За члена СКР: 1. Клуб Русинів і приятелів Підкарпатьской Руси з Чеськой републікы 2. Закарпатьскый областный благонадійный фонд Русиньска школа з Україны Г) За кандідата на членство у СКР: - Московску русиньску орґанізацію Русиньскe землячество Карпать- ской Руси із Росії Ґ) Зміну Станов (Статуту) СКР, а то: 1. ) зміну в Cтаті 1 основны установліня пункт 2 „зміну адресы місця орґанізації СКР“ 2. ) зміну в Cтаті 3/А членство доповнити до пункту 4 „уновоприїманых членів становлює ся кандідатна доба на 2 рокы“ зміну в Cтаті 3/А членство доповнити пункт 7 „СКР може уділити чесне членство“ 3.) зміну в Cтаті 3/Б пункт 4 ревізор на „ревізну раду“ і доповнити „складаться найменше із 3 членів окремых країн схваленых СКР, котры спомеджі себе зволять председу Ревізной рады СКР“. 4.) пропозіцію делеґатів 10. СКР выпрацьовати зміны Cтанов(Статуту) СКР і новы доповнены Становы СКР предложыти на схваліня 11. СКР в Мадярьску Д) Зложіня новой Світовой рады Русинів, у складі котрой суть: Николай Бобінець (Україна), Наталія Гнатко (Хорватія), Андрій Копча (Польща), Маріанна Лявинець (Мадярщіна), Джон Ріґеті(Северна Америка), Дюра Папуґа (Сербія), Александер Мошкола (Чехія), Владимір Противняк (Словакія), Юрій Фірцак (Румунія). На своїм першім засіданю нова СРР зволила за председу СРР Дюру Папуґу, за підпредседу СРР Маріанну Лявинець а за та- йомника СРР Владиміра Противняка. В такім складі, доповнене о Андрія Копчу, буде оперативно працьовати ґреміум СРР. За члена Світовой рады Русинів (СРР) з правом гололсованя быв схваленый Мартін Караш із Словакії, председа (СФРМ) Світового форуму русиньской молодежи (з його повіріньом може го з такыма самыма правами заступити і підпредседа СФРМ). Е) Ревізну раду CКP у складі: Заступці Хорватії, Румунії, Чехії. Мена предложать на СРР представителі уведженых країн до 30 днів од реалізації конґресу. Є) За чесного председу СКР пpoф. Павлa Роберта Маґочія. Ж) У 2011 р. ся буде одбывати єденадцятый Світовый конґрес Русинів в Мадярьску. Реалізатором конґресу буде орґанізація „Вседержавне общество русиньской інтеліґенції ім. Антонія Годинкы“. ІV. 10. СКР укладать: 1.) Бывшому председови п. Маґочійови і тайомникови СРР п. Зозулякови передати новому веджіню СРР фінанчну, учтовну і писомну аґенду СРР до датуму реалізації СКР. В одношіню із тым інформовати членів о зміні адресы СРР. Термін: до 30. 06. 2009 Одповідны: в тексті 2.) Обернути ся до президента і председы влады Україны із жадостьов о приятя сполочной делеґації СРР і русиньскых ор- ґанізацій на Україні з цільом обговоріня проблематікы узнаня карпатьскых Русинів за автохтонну націоналну меншыну на Україні. Термін: до 31. 08. 2009 Одповідный: председа СРР 3.) В контактах з урядами Европской унії добивати ся узнаня карпатьскых Русинів за автохтонну націоналну меншыну в каж- дій країні, де жыють Русины, жебы їм было ґарантоване право автохтонного народа. Дбати, жебы влады даных країн дотри- мовали вшыткы права декларованы Орґанізаційов споєных народів. Термін: рік 2009 Одповідны:члены СРР 4.) Делеґаты конґресу через СРР ся обернуть до влады Польской републікы із жадостьов о узнаня Акції „Вісла“ за незаконну. Зато пожадають і о направліня кривд зробленых польскым Лемкам, запричіненых їх выселіньом в роках 1945 -1947. Термін: до 31. 08. 2009 Одповідный: председа СРР 5.) Створити централну інтернетову сторінку СКР і забезпечіти, жебы была доповньована найважнішыма інформаціями зо жывота Русинів із каждой державы. Авторы (ґаранты) того проєкту суть Мірослав Будінскый а Мірослав Сіладі, котры до 30. 8. 2009 заведуть інтернетову вебсторінку, яку окрем актуалных інформацій буде творити: – Русиньскый інтернет Бізніс Центер – Пресінформації на інтернетовій сторінці ruthenpress – Актуаліты за дослідну кампань перед зрахованьом людей в 2011 і 2012 році – Діятельство Cвітового форуму русиньской молодежи Термін: рік 2009 Одповідны: п. Мірослав Будінскый, Мірослав Сіладі, Владимір Противняк, Мартін Караш і каждый член СРР 6.) СРР вытворить із заступців окремых штатів СКР економічну комісію, яка буде сполупрацьовати на Русиньскім інтернет Бізніс Центрі і котра ся буде заподівати економічныма вопросами (глядати меценашів, ословльовати успішных русиньскых бізнісменів із окремых штатів), жебы економічно посилнити СКР. Наголосити СРР заступців з окремых штатів СКР. Термін: до 30. 8. 2009 і безперерывно Одповідны: члены СРР 7.) Членам СРР започати із своїма орґанізаціями дослідну кампань перед зрахованьом людей у роках 2011 – 2012 в окремых країнах, де у великій мірі жыють Русины, з цільом што найвеце зконкретізовати кількость Русинів. Дбати на то, жебы на „счітаціх гарках“ была уведжена колонка - народность Русин і материньскый язык - русиньскый. Кебы у документах на зрахованя тоты даны не были, треба ся обернути на владу властного штату і Раду Европы (єй комісію) о штонайскорішу оправу. Термін: каждый піврік і безперерывно до 2011 Одповідны: члены СРР 8.) СРР попросити письмом Европску раду про меншины, жебы при зрахованю людей (2011 і 2012 р.) в окремых країнах, де у великій мірі жыють Русины, были приділены русиньскы активісты і позорователі, доглядаючі на роботу комісій. Термін: до 30.11.2009 Одповідны: председа і члены СРР 9.) За помочі СРР створити концепцію конкретной кооперації міджі школами, сістематічного штудія русиньского языка і културы в школах окремых держав, выміны штудентів, учітелів, помочі їм орґагнізовати стрічі міджі нима у формі семінарів. Термін: од 01. 09. 2009 і безперерывно до 2011 Одповідны: члены СРР і Школьской комісії 10.) На основі роботы Комісій на 10. Світовім конґресі Русинів і в наступнім періоді до 11. СКР, будуть до 30. 8. 2009 доповнены комісії о членів з каждой країны. СРР скличе самостатны засіданя комісій, котры приймуть головны задачі на період до 11. СКР. Термін: 01. 09. 2009 і кварталні Одповідны: члены СРР і Председове комісій Резолуція 10. Світового конґресу Русинів была схвалена делеґатами СКР в Руськім Керестурі (Сербія) дня 7. 6. 2009. www.rusyn.sk InfoРУСИН.